OK DOH Forum, naangay

VIGAN CITY – Nangisayangkat ti Department of Health ken National Nutrition Council iti maysa a forum mainaig iti salun-at idi Nobiembre 20 ditoy siudad.

Dimmar-ay iti OK Drive Out Hunger (OK DOH) forum dagiti amin a barangay nutrition scholars ditoy probinsia iti panangidaulo ni Victoria Requilman, presidente ti grupo.

Nagsentro ti forum iti “Implications of Climate Change to Nutrition”, “BNS in the Forefront of Nutrition Agenda” ken “The New WHO-Child Growth Standards”.

Naited pay iti grupo dagiti BNS ti Nutrition Improvement Fund a maaramat iti pannakapasayaat ti nutrision iti Ilocos Sur.#