Footer

Operating, delivery rooms, naipatakder

SALCEDO, Ilocos Sur – Tallo a local government units ti nagtitinnulong para iti pannakaipatakder ti pasdek para iti operating ken delivery rooms iti district ospital ditoy nga ili.

Nangted ni Mayor ditoy, Mayor Onofre Gironella, iti P200,000 para iti pasdek idinto a sag-P80,000 dagiti mayor ti Del Pilar ken Sigay para iti pannakabaldosa, pannakabobeda ken pannakapalitada ti pasdek.

Iti kallabes, problema dagiti agindeg kadagitoy nga ili ti pannakaitaray dagiti maoperar ken aganak iti ospital iti baba, agsipud ta awan ti pagoperaran ken pagpaanakan ditoy nga ospital.#