: Operation coastal clean up, naisayangkat | Tawid News Magazine - Weekly Ilocos News 📰

Operation coastal clean up, naisayangkat

SINAIT, Ilocos Sur – Kas paset ti pannakatagiben ti kabaybayan iti umuna a distrito ti probinsia, indauluan da Cong. Ryan Luis Singson ken Sinait Mayor Marlon Ines ti panagmula iti mangrove iti igid ti kabaybayan ti Barangay Teppeng, Sinait idi Marso 26.

Nakipagpaset iti daytoy a gannuat dagiti agtutubo, bumarangay ken nadumaduma a non-government associations iti umuna a distrito ti Ilocos Sur.

Indauluan met laeng dagiti nadakamat nga opisial ti Operation Coastal Clean-Up ket pinidut ken inurnongda amin a rugit iti igid ti baybay kas dagiti papel ken plastik kasta metten dagiti lumot.

Malaksid iti panagtalon, panagkalap ti maysa kadagiti kangrunaan a panggedan dagiti umili iti umuna a distrito, nangruna dagiti agnaed kadagiti coastal barangays.#