Operation Timbang, maipapaay

SAN JUAN, Ilocos Sur – Agtultuloy ti panangmonitor dagiti barangay health workers ken barangay nutrition scholars iti timbang dagiti agbasbasa nga ubbing ditoy nga ili.

Naammuan a binulan a matimbang dagiti ubbing tapno maammuan no umisu met laeng ti timbangda iti tawenda.

Kinuna ni Municipal Nutrition Action Officer Joanna Domingo a bimmassit ti bilang dagiti malnourished nga ubbing gapu iti agtultuloy nga information drive ti lokal a gobierno ditoy ken ti pannakaipaay iti feeding program kadagiti ubbing.