Operation Tuli, insayangkat ti Candon Health Office

CANDON CITY  – Ita a bakasion, mismon a ti City Health Office ditoy ti mangdanon kadagiti babbarito nga agnaed kadagiti barangay tapno isayangkatda iti Operation Tuli.

Kinuna ni Dr. Narciso Ramos nga isudan a mismo ti mangdanon kadagiti barito kadagiti barbarangay tapno ad-adu kadakuada ti manggundaway iti daytoy a proyekto ti City Health Office nga idauluanna.

Immunan a napan nagkugit ti City Health Office iti Barangay Calaoaan idi Mayo 12, iti San Isidro idi Mayo 13 ken iti Barangay Balingaoan idi Mayo 18.

Agtaud iti barangay ti pondo ti nasao a programa.#