Footer

Operators, di pabor pannakapinta traysikelda

 

BANTAY, Ilocos Sur – Saan a pabor dagiti traysikelan ditoy nga ili a mapintaan ti luganda kas insingasing ti maysa a konsehal.

Iti naangay a miting itay nabiit, impeksa dagiti operators dagiti traysikel ditoy a saanda a pabor iti singasing ni Konsehal George Leones, chair ti committee on transportation, a pannakapinta dagiti luganda iti pakabigbiganda a kolor kadagiti sabali a traysikel manipud iti sabali nga ili agsipud ta dakkel ti mabusbos iti pannakapintada.

Segun iti maysa nga operator, umabot iti P7,000 ti magasto no agpapintada idinto nga isuda ti mangibaklay iti mabusbos.

Insingasing dagiti operators a maikkan laengen iti sticker iti sango ken likud dagiti traysikel ditoy para iti pannakabigbigda.#