Footer

OPINION: Namurumor dagiti problema ti Edukasion

Makapariribuk ti pigura manipud iti Department of Education ken ti National Statistical Coordination Board (NSCB): maysa iti innem nga ubbing a rumbeng koman a sumrek iti pagadalan ti saan nga agbasbasa.

Sumagmamano dagiti rason no apay a saan a makapagbasa ti maysa nga ubing: kinapanglaw, kakurang iti interes ken kinangina ti edukasion.

Iti panagadal ti E-Net Philippines, Asian South pacific Bureau of Adult Education, Action for Economic Reforms, Popular Education for People’s Empowerment, ken Oxfam, ti kinapanglaw ti makagapu iti nababa a rekord ti edukasion ken nakaapekto iti iseserrek dagiti ubbing nga agbasa iti pagadalan.

Dinakamat ti nasao a panagadal kas maibatay iti surbey nga insayangkat ti National Statistics Office mainaig iti  functional literacy, education ken mass media, a kadakkelan a rason no apay a saan a sumrek iti pagadalan dagiti agtawen iti 6 agingga iti 24 gapu ta mangmanggeddan wenno agbirbirokda iti panggedanda.

Segun iti panagadal, dandani apagkatlo kadagiti nasurbey ti nangdakamat iti dayta a rason a gapu iti kaawanda iti pagadalan.

Iti sabali a bangir, kaawan ti panggedan dagiti nagannak ti maysa a gapu a saan a makapagbasa ti maysa nga ubing. Agsipud iti kaawan panggedan dagiti nagannak, awan ti maitedda a gastuen ti anakda a mapan agbasa. Wenno, kapilitan a tumulong dagiti annak nga agsapul  ket  sumrekda iti aniaman a panggedan tapno adda pangsilpoda iti panagbiagda imbes nga addada koma iti pagadalan nga agbasbasa.

Madakamat pay ditoy nga adu dagiti ubbing a mapan agbasa nga awan ti naggian iti boksitda a puon ti saanda a pakaadalan nga agtungpal iti panagpukaw ti interesda nga agbasa ket saandan nga agtuloy.

Iti maysa a panagadal iti maysa a dibision iti Cordillera, naduktalan a ti malnutrision ti maysa a gapu iti nababa a performance ti maysa nga ubing nga agbasbasa a dakkel a pakaatiwanna ken agtungpal iti posible a dinan panangituloy iti panagbasana.

Sumangkautro, iti baet ti panangibambando ti gobierno nga awan ti magasto dagiti nagannak iti panagadal dagiti annakda iti pagadalan publiko, saan a mailibak nga adda latta dagiti kasapulan a paggastuanda kas iti lapis, papel, kuaderno, balonda nga agbasa ken kontribusion iti pagadalan ken dagiti proyektoda iti klaseda.

No awan panggedan dagiti nagannak wenno adda man panggedanda ngem nakurang pay a para iti inaldaw a pagbiagda, kapilitan a maisakripisio ti panagbasa ti anak ket tumulong laengen nga agsapul.                                 (Maigibusto)

 

OPINION: Namurumor dagiti problema ti Edukasion

Makapariribuk ti pigura manipud iti Department of Education ken ti
National Statistical Coordination Board (NSCB): maysa iti innem nga
ubbing a rumbeng koman a sumrek iti pagadalan ti saan nga agbasbasa.

Continue Reading →