CANDON CITY – Natakawan iti agarup P9,700 ti satellite office ti Philhealth a nakabase iti daytoy a siudad.
Daytoy ti inreport ni Emmylyn Galacio, 24, Philhealth clerk, ken agnaed iti barangay San Agustin, ditoy.
Kinuna ni Galacio a naduktalanda ti panagtakaw idi sumrekda ken ni Agnes Laruza, kaopisinaanna, idi Hunio 26 ket nakitada a nakalukat ti steel cabinet a nakaidulinan ti P9,700 a collection ken remittances para iti 2nd quarter iti daytoy a tawen.
Natakuatan pay a saan a napuersa a naluktan ti nasao a cabinet.
Agtultuloy ti imbestigasion dagiti panakabagi ti linteg iti nasao a panagtakaw.