Organic fertilizer, naibunong kadagiti mannalon

CABUGAO, Ilocos Sur – Agdagup iti 200 a sako nga organiko a ganagan ken 8 a sako a komersial a ganagan ti naibunong kadagiti agmulmula iti lasona ken bawang ditoy nga ili idi Mayo 22.

Inimatangan mismo da Mayor Edgardo S. Cobangbang, Jr., ken dagiti kameng ti sangguniang bayan a pakaibilangan da Konsehal Benedicto M. Savellano, Konsehal Dr. Jemaima S. Tan-Yee, ken ni Konsehal Josefina S. Vallejo ti pannakaiwaras dagiti ganagan kadagiti mannalon nga agmulmula iti lasona ken bawang.

Naited dagiti ganagan babaen ti High Value Crops Development Program ti Department of Agriculture-RFO 1, San Fernando City, La Union iti panangidaulo ni HVCDP Regional Coordinator Angel O. Padilla ken iti pannakikammayet ti DA-LGU iti panangidaulo ni Cabugao Farmers Federated President Elmer Guerrero Bromeo ken ni Municipal HVCDP Coordinator Ester P. Aguimbag, AT tapno aramaten dagiti mannalon iti pannakaipangato ti produksion ken kalidad dagiti mulada a lasona ken bawang, kasta met tapno makissayan ti gastuenda iti panagtarakenda kadagitoy a crops.#