Outreach program, naisayangkat iti Sigay

SIGAY, Ilocos Sur – Indauluan ti Southern Ilocos Sur Medical Society, ti grupo a nangisayangkat iti libre a serbisio ti salun-at itiĀ  Barangay Santo Rosario, kaadaywan a barangay ditoy nga ili idi Pebrero 20, 2011.

Indauluan da Dr. Carlos Pasahol, presidente ti SISMC, Dr. Ericson Singson, anak ni sigud nga House Deputy Speaker Eric Singson, dagiti pediatrician, general surgeon, ken dermatologist, nagannak dagiti agbasbasa iti pribado a pagadalan, ti Citizens Involvement and ServicesĀ  (CIS) ken ti DZTP Radio Tirad Pass ken babaen ti pannakikammayet da Mayor Aries Gaerlan ken Kapitan Elpidino Puknig, barangay captain ti Santo Rosario.

Naited ti libre a check-up, libre nga agas, feeding program para kadagiti ubbing, libre a havayanas a tsinelas kadagiti ubbing, libre a toothbrush ken toothpaste, ken naipaay ti reflexology ken dadduma pay a serbisio kadagiti agindeg.

Sakbay ti outreach program, naangay ti misa babaen ken ni Father Divinus Rabang, parish priest ti Sigay.

Tallo nga oras a nagbiahe ti dump truck ken jeep a nagluganan dagiti grupo iti nabato ken nakipet a dalan sakbay a dimmanonda iti Santo Rosario.#