P.5-M nakolekta ti tiendaan publiko iti bulan ti Agosto

CANDON CITY – Nasurok a kagudua milion ti koleksion ti merkado publiko ditoy para iti bulan ti Agosto, segun iti monthly report a naala ti DZTP manipud iti tiendaan ditoy siudad.

Segun iti report, agdagup iti P582,550.00 ti nasingirda iti entrada kadagiti aglaklako ken stalls iti tiendaan, nangatngato nga amang ngem iti nakolekta iti daytoy met laeng a bulan idi 2011 nga agdagup laeng iti P335,550.00.

Agdagup iti P378,990.00 ti nakolekta manipud iti wet market, P133,350.00 manipud iti Candon Shopping Mall ken P70,030.00 manipud iti Candon Arcade.

Nupay kasta, nababbaba ti nakolekta iti Agosto ngem idi bulan ti Hulio nga immabut iti P619,425.00 gapu iti panagtudtudo ken panagbagyona. (Danny Antalan)