P1.2-M livelihood projects, naiyawat

MAGSINGAL, Ilocos Sur – Agdagup iti P1.2 million dagiti tallo a livelihood projects nga impaay ti Department of Labor and Employment Region 1 ken babaen ti pannakibulig ti lokal a gobierno ken ti DSWD,

Segun iti DOLE Provincial Office, agpada nga immawat ti Rang-ay ti Napo Farmers’ Association ken Bungro Farmers’ Association iti 2 kuliglig, water pumps ken hoses nga aggatad iti sag-P382,000.00 idinto nga immawat iti nego-carts dagiti 30 ambulant vendors ditoy met laeng nga ili iti P449,975.00 babaen ti koordinasion ti DSWD ti munisipio ditoy.

Agpada a rehistrado ti Rang-ay ti Napo Farmers’ Association ken ti Bungro Farmers’ Association iti DOLE.

Naiyawat itay Hulio 30 dagitoy a proyekto a nagtaud iti pondo idi Hunio, segun ti provincial officer.
Innayonna a 20% ti nagbalin a counterpart ti LGU ti Magsingal kadagitoy a proyekto.#