Footer

P10-M maipautang kadagiti mannalon

VIGAN CITY – Adda P10 milion a maipautang kadagiti mannalon nga agmulmula iti tabako, daytoy ti impakaammo ni Gov. Deogracias Victor Savellano itay nabiit.

Kinuna ti gobernador a naiyawat ti kuarta iti Nueva Segovia Consortium of Cooperatives a nairanta a pagpautang kadagiti mannalon babaen ti nababa laeng a porsiento.

Lima porsiento laeng ti ibayad ti mannalon iti utangenna iti nasao a kooperatiba.

Naggapu ti pondo iti bingay ti probinsia iti RA 7171.#