P10,000 contribution para barangay elections, kinontra ti Liga ng Barangay

VIGAN CITY – Kontra dagiti barangay captains ditoy probinsia ti panagkontribusionda para iti masungad nga eleksion ti barangay.

Segun ken ni Ilocos Sur ABC Federated President Mario Subagan, iti emerhensia a miting ti board of directors ti Liga ng mga Barangay, Ilocos Sur Chapter, nangaramidda iti resolusion a nangilanadanda iti  nakaro nga isusupiatda iti dawdawaten ti Commission on Elections a P10,000.00 a kontribusion dagiti amin a barangay a maaramat a kas augmentation fund ti nasao a poll body iti pannakaangay ti eleksion inton Oktubre daytoy a tawen.

Kinuna ni Subagan nga adu a barangay iti probinsia ti nakirang ti pondoda ket saanda a kabaelan a paaddaen daytoy a kidkiddawen ti Comelec.#