P2-M ited ti DA para livelihood project

VIGAN CITY – Dua a milion ti maited a pondo para iti livelihood project iti babaen ti programa ti Department of Agriculture.

Kinuna ni Provincial Veterinarian Joey Bragado a nalpasdan ken naaprobaranen ti proposal ket kiniddaw ti national office a mangaramid ti sangguniang panlalawigan iti resolusion a maiturong iti regional office tapno maiyalisda ti pondo a maipan iti livelihood project.

Identified a benepisario iti daytoy a proyekto dagiti asosasion kadagiti munisipio nga addaan iti Farmers’ Livestock School, nangruna iti panagtaraken iti kalding.

Kinuna ni Bragado a saan a maiwaras amin dagiti kalding kadagiti identified benepiciaries ket maitedto dagiti surplus kadagiti dadduma nga agkiddaw iti upgrading ken upkeeping.

Innayon ni Bragado nga adda isaysayangkat ti opisinada a tallo a Fartmers’ Livestock School on Goat ket mairamandanto a benepisario inton sumangpet dagiti kalding a pakaigatangan ti pondo.#