VIGAN CITY – Nawadwad ti naglakuan dagiti negosiante a nakipartisipar iti trade fair ditoy kas paset ti panangselebrar ti siudad iti World Heritage Cities Solidarity Day.
Naammuan ti Tawid News a nakalako dagiti negosiante iti nakurang a P3 milion iti lima nga aldaw a trade fair.
Immadu ita a tawen dagiti negosiante a nakipartisipar iti trade fair nga agdagup iti 137.
Nadumaduma nga aktibidad ti naangay ditoy siudad iti makalawas a Heritage Cities Solidarity celebration a naggibus itay Septiembre 8.#