P3-M pondo para water district, simmangpet

SINAIT, Ilocos Sur – Aganay a P3 milion ti pondo a simmangpet para iti pannakapasayaat ti serbisio ti danum ditoy nga ili.

Naammuan a naggapu ti pondo manipud iti opisina ni Local Utilities Waterworks (LUWA) Administrator Prospero Pichay.

Maipalagip a maysa a resolusion ti impasa ti board of directors ti nasao a water a district ditoy a nagkiddawanda iti tulong manipud ken ni Pichay para iti pannakapasayaat ti serbisio ti danum ditoy nga ili.

Maaramat ti pondo para iti pannakasukat dagiti daanen a tubo ti danum ken pannakaipasdek ti serbisio ti danum iti dua a barangay.#