P300-M kasapulan iti by-pass road: city engineer

CANDON CITY – Aganay  P300 milion ti masapul para iti pannakaipasdek ti main-inaw a by-pass wenno diversion road iti siudad iti Candon, daytoy ti naammuan iti city engineer ditoy.

Segun ken ni Engr. Steve Martinez, ti diversion road ti sungbat iti mapaspasaran a nakaro a trapiko ditoy siudad.

Inlawlawag ni Martinez  a nasurok P80 milion ti kasapulan para iti panakagatang laengen kadagiti daga a madalanan agraman dagiti balay a madalapus a diversion road. 

Agkasapulan pay ti kalsada iti dua a dadakkel a rangtay ken kasapulan a mapalawa daytoy ken masemento ti dua a lane. (Danny Antalan)