P4-M ipautang ti NTA kadagiti mannalon iti 1st District

VIGAN CITY – Kinuna ti maysa nga opisial ti National Tobacco Administration nga umabot iti P4 milion ti maipautang ti opisinada kadagiti agmulmula iti tabako iti umuna a distrito.

Naammuan ken ni Deputy NTA Administration Dr. Robert Bonuan nga igagaedda ti panagkolektada kadagiti nagmula iti pagay tapno adda maipautangda kadagiti agmula iti tabako iti masungad a panagtatabako.

Mapapati a naitantan ti panagbayad dagiti sumagmamano a mannalon iti inutangda gapu iti pannakadidigrada iti napalabas a bagyo.

Manamnama a napintas ti presio ti tabako inton umay a tawen agsipud ta dakdakkel ti demand, segun iti nasao nga opisial.#