P400,000 nailatang a pondo para paggatang iti bomba iti danum

VIGAN CITY – Nangilatang ti gobierno ti siudad ditoy iti P400,000.00 a panggatang iti water pump a maikabit kadagiti immuna a nagatang a kuliglig kas pangtulong kadagiti mannalon kabayatan ti pannakasagrap iti El Niño phenomenon ditoy pagilian.

Kinuna ni City Agriculture Officer Rudy Peralta a two-in-one dagiti naudi a nagatang, adda pumpna, kuliglig payen ken adda payen karisonna.

Kanaig daytoy, kinuna ni Peralta a paisubsublida dagiti nagatang a kuliglig tapno makabitan iti water pump.

Naammuan iti City Agriculture officer a masagrap ti El Niño agingga iti Hunio inton umay a tawen.#