CABUGAO, Ilocos Sur – Agdagup iti nasurok a P42 milion ti balor dagiti infractructure projects a naileppasen manipud idi Hunio daytoy a tawen, daytoy ti impakaammo ti chairman ti committee on infractructure ditoy nga ili itay nabiit.
Segun ken ni Konsehal Josefina Vallejo, chair ti committe on infrastructure, nasurok a 60 a farm to market roads dagiti nadumaduma a barangay ti naileppas a napunduan manipud iti bingay ti munisipio iti RA 7171.
Innayon ni Vallejo nga umabut iti P9 milion ti pondo dagiti farm to market roads ditoy a nagtaud manipud iti congressional fund.
Nasurok met nga P11 milion ti naipundo kadagiti ongoing projects a nagtaud manipud congressional share ni Cong. Ryan Luis Singson a pakaibilangan ti sag-P1milion para iti farm to market road ti Aragan, Sisim, Maratudo ken Margaay, ken P3.2 milion para iti Caarusipan ken multipurpose hall para ti Barangay Sisim ken Turod-Patac.#