CANDON CITY – Dakkel a kuarta ti ninamnama dagiti mannibrong a matakawda iti maysa a lumber and hardware store ngem sensilio laeng ti nakasakasda.
Sinerrek dagiti mannanakaw ti Vigan Fortune Lumber and Hardware ditoy ngem awan ti dakkel a kantidad a nasarakanda ket inanusanda a kinasakas ti mapattapatta a P5,000 a sensilio.
Nakastrek dagiti mannanakaw iti pagtagilakuan babaen ti panangkartibda iti sim nga atep sada dinadael ti bubeda daytoy.
Iti panagdardaras dagiti di pay ammo a mannanakaw, nabatida ti kartib a sim iti uneg ti pagtagilakuan.#