P50,000 inkari ti gobernador para 8 pagadalan iti Banayoyo

BANAYOYO, Ilocos Sur -Inkari ni Gob. Deogracias Victor “DV” Savellano a mangted iti P50,000 para iti  pannakasimpa dagiti agrakayan a pagadalan ditoy.

Inwaragawag daytoy ni Savellano bayat ti yaatendarna iti panangrambak ti ili a Banayoyo iti  maika-100 a tawen manipud nagbalin daytoy nga agwaywayas nga ili.

Kinuna ti gobernador nga apaman a maaprobaran ti maidatag a proposal para iti pannakatarimaan dagiti walo a pagadalan, maited metten a dagus ti pondo.

Nagyaman ni Banayoyo Mayor Severino Galanga iti tulong nga ipaay ti gobernador ket inkarina ti agtultuloy a panagbibinnulig dagiti agindeg ditoy  tapno agtultuloy ti panagdur-as iti lugarda.#