Footer

P500,000 tulong pinansial, naited gunglo ti natengan

CABUGAO, Ilocos Sur – Immawat dagiti opisial ti Cabugao Vegetable Producers and Traders Association iti pinansial a tulong manipud iti lokal a gobierno nga idauluan ni Mayor Edgardo S. Cobangbang, Jr. iti simple a programa a naangay iti Cabugao Cultural and Sports Complex ditoy nga ili idi Nobiembre 28.

Agdagup iti P500,000.00 ti naited iti nasao a gunglo kas pinansial a tulong para iti panagmula ken panagnegosio iti natnateng, nangruna ti panagibiahe ken panaglako kadagiti produkto ti talon ditoy ili.

Naiyawat pay kadagiti opisial nga idauluan ni Armando Azcueta ti registration papers ti gungloda manipud iti Securities and Exchange Commission tapno adda legal a personalidadda a makitransaksion kadagiti ahensia ken opisina mainaig iti panagnegosioda iti natnateng.

Naiyawat ti financial assistance kagiddan iti panagiwaras ni Congressman Ryan Singson kadagiti PhilHealth cards kadagiti 2,509 a benepisario a residente ditoy nga ili.#