Pagadalan, boarding house, mainspeksion

VIGAN CITY – Maiwayat ti inspeksion kadagiti nadumaduma a pagadalan ken pagkaseraan ditoy siudad sakbay ti panaglulukat ti klase, daytoy ti impasingked ni City Fire Marshall Floro Obrero itay nabiit.

Segun ken ni Obrero, rugianda ti agsukimat kadagiti pagadalan ken nadumaduma a dormitorio tapno makita no adda dagiti depektibo a koneksion dagiti barut ti koriente tapno masigurado ti safety kadagiti agad-adal.

Kinuna ni Obrero a nakared-alert latta ti BFP aglalo ita a kabara ti tiempo.

Innayonna a nakaalertoda latta uray iti panawen ti panagtutudo agsipud ta uray iti daytoy a tiempo ket adda latta dagiti mapasamak a fire incident gapu iti pannakabasa dagiti waya ken panag-short circuit dagiti barut ti koriente.#