Pagadalan, natakawan

CANDON CITY – Natakawan ti maysa a pagadalan ditoy a nakapukawan dagiti computers ken naglakuan iti canteen idi parbangon ti Hunio 20.

Nagreport ni Raymundo Escobar, guardia, a natakuatanna a naserrek ti administrative office ken canteen ti Candon National High School idi agarup 3:30 ti parbangon ti nadakamat a petsa.

Iti panagimbestiga dagiti polis ken SOCO, nakastrek dagiti mannanakaw iti nadakamat nga opisina ken canteen ti nasao a pagadalan babaen ti panangputedda iti rehas ti tawa sada kinasakas ti tallo a CPU, 4 a monitor ken naglakuan iti canteen nga aganay P1,000.00.

Madama ti panagpalutpot dagiti polis no asino dagiti nangisayangkat iti nasao a panagtakaw.#