Footer

Pagadalan, nauram

LIDLIDDA, Ilocos Sur – Napuoran a basura ti suspetsa dagiti bombero a nakaigapuan ti pannakauram ti maysa a pagadalan iti poblasion ditoy nga ili idi Pebrero 10.

Segun ken ni Senior Fire Marshall Reynaldo Teofilo, ti napanawan a mapupuoran a basura iti likud ti dimmapo a pasdek ti kitkitaenda a nagtaudan iti uram.

Nupay kasta, dida met ikkaten ti anggulo a faulty wiring ti nakagapu iti uram, kinuna pay ni Teofilo.

Mapapati a nauram ti uppat ti kuartona a pasdek iti agarup alas siete ti rabii.

Naiyalis dagiti agbasbasa kadagiti bakante a kuarto dagiti dadduma pay a building ti pagadalan.#