STA. CATALINA, Ilocos Sur – Nakalukat ti munisipal library iti makalawas ken uray Sabado ken Domingo tapno adda paginternetan dagiti agbasbasa iti panagsukisokda para iti leksionda.
Kinuna ni Mayor Carlos Asuncion a nakalukat iti alas 9 ti bigat inggana iti alas 5 ti malem ken alas 8 ti bigat agingga iti tengnga ti aldaw ti library tapno adda paginternetan dagiti estudiante a residente ditoy nga ili.
Lima a kompiuter ti indonar ti Sta. Catalinians of America tapno adda paginternetan dagiti estudiante.
Kinuna ti mayor a makainut dagiti estudiante iti panagsukisokda agsipud ta saandan nga agplete ken agbayad iti panaginternetda iti Vigan City.#