Paglakuan ti letson manok, tinakawan riding in tandem

SAN ILDEFONSO, Ilocos Sur – Uray bassit a paglakuan iti letson a manok, saanen a pakawanen dagiti mannibrong a nakasakay nga agkalubbong iti motorsiklo.

Kinuyog ni Jason Manuel y Adan, akinkukua iti Alexa Lechon Manok a masarakan iti public market ditoy nga ili ni Norman Rivad y Vicencio, 25, naasawaan, ken residente iti Barangay Busiing Norte, San Ildefonso, Ilocos Sur, a nagpulong iti polis a dua a lalaki ti nangkurimes iti naglakuanna iti manok idi agarup 7:45 ti malem ti Nobiembre 17.

Segun ken ni Rivad, bayat ti panagtadtadna iti lechon manok, dua a lalaki ti immasideg kenkuana ket nagorderda iti dua a letson a manok.

Ngem idi makauneg dagiti suspek, kinuna dagiti suspek a “saan ta letson manoken, alaenmi amin ta kuartam a naglakuam” sa pinaturongan ti maysa iti paltog a mapapati a maysa a cal. 45.

Segun ken ni Rivad,  sumurok-kumurang P500.00 a naglakuanna ti inyawatna kadagiti suspek.

Kalpasan nga imbilin dagiti suspek a saan nga agkutkuti ti biktima, pimmanawdan sa naglibasda iti agpaabagatan a direksion a nakalugan iti motorsikloda.

Saan pay a nabigbig dagiti naghold-ap iti paglakuan iti letson manok.#