CANDON CITY, Ilocos Sur – Inlungalong ni Bokal Robert Tudayan ti pannakapaadda dagiti lugar a pagmulaan kadagiti kayo a maaramat a pagsungrod kadagiti pugon a paglutuan iti bulong iti tabako.
Segun iti daytoy a gannuat ni Tudayan, mangdakamat ti Department of Environment and Natural Resources kadagiti lugar a pagmulaan dagiti agmulmula iti tabako kadagiti kayo a pagapitandanto iti pagsungrod kadagiti pugonda no tiempo ti panagluluto ti bulong ti tabako.
Masirsirmata a maysa a dakkel a problema dagiti mannalon ti tabako ti kayo a pagsungrodda iti pugonda gapu ta kumiskisangen dagiti kayo iti kabakiran ti probinsia.
Uray iti ili a Caoayan, mapapati a bimmassiten dagiti kandaruma a gatgatangen dagiti mannalon a pagsungrod iti pugonda.
Magustuan dagiti mannalon a pagsungrod ti kandaruma agsipud ta nabara ti uging daytoy.#