BANTAY, Ilocos Sur – Maysa a resolusion ti trinatar ti konseho ditoy a mangited iti otoridad ken ni Mayor Sammy Parilla a mangidonar iti lote a pagsaadan ti Bureau of Fire Prevention ditoy.
Agdagup iti 395 square meters ti naisingasing nga idonar a daga ti gobierno munisipal ditoy a pakaipatakderan ti estasion ti BFP.
Iti agdama, aggigian ti BFP iti Bantay Arcade.
Itay nabiit, naaddaan ti municipal government ditoy iti baro a fire truck.#
