Pagsusugalan, rinaut dagiti polis

SINAIT, Ilocos Sur – Rinaut dagiti nagtipon nga elemento ti CIDT ken polis ditoy ti maysa a pagsusugalan iti plasa ti Barangay Katipunan ditoy nga ili a yan ti periaan idi rabii ti Mayo 25.

Rinaut dagiti polis ti nasao a pagsusugalan kalpasan a nakaawatda iti tawag iti telepono a menor de edad ti kaadduan kadagiti agsusugal iti drop ball, maysa a kita ti numbers game.

Ngem nagtataray dagiti agsusugal idi nadlawda dagiti simmangpet a polis ket nabati dagiti pustada a P543 iti nadumaduma a denominasion ken gambling paraphernalia.

Nabigbig ti akinkua ken maintainer a ni Nita Ramos, residente iti Barangay III, San Nicolas, Ilocos Norte.#