Pagtaengan, natakawan

STA. LUCIA, Ilocos Sur – Maysa a pagtaengan iti Barangay Paoc Sur, ditoy nga ili ti sinerrek dagiti mannanakaw ket kinasakasda ti kuarta ken alahas manipud iti siled ti akimbalay.

Nagreport iti polis ni Guillermo Callejo, residente iti nadakamat a barangay, a natakaw ti kuartana a P10,000 ken alahas nga aggatad iti P50,000 a naikabil iti maysa a shoulder bag iti uneg ti siledna.

Segun iti inbestigasion, mapapati a simrek dagiti suspek iti terasa iti iseserrekda iti balay ket ditoy met la ti nagnaanda a naglibas.#