Pagtaengan, natakawan

STA. LUCIA, Ilocos Sur – Napan laeng nakilamay iti kaarrubada, idi naggawid, sinerrek gayamen ti mannanakaw ti balayna.

Iti report manipud iti police station ditoy nga ili, natakawan ti balay ni Eusebio Quiocho, Jr. y Fabro, 48, naasawaan, residente iti Barangay Conconig East, idi rabii ti Disiembre 5.

Segun iti biktima, napan nakilamay iti kaarrubada idi agarup 10:00 ti nadakamat a rabii ket idi naggawid iti agarup 4:20 ti parbangon, naduktalanna laengen a nakalukat ti sango ken likud a ridaw ti balayna.

Idi simrek iti uneg ti balayna, nakitana nga awanen ti Sony flat screen 40 inches a television set, kasta met a naluktan ti kabinet a naggianan dagiti aruatenna ken aritos, kuentas, dua a singsing, Rayban nga anteohos, ken Samsung tablet nga agbalor amin iti sumurok kumurang P80,000.00.

Iti pannakaisurat daytoy, awan pay ti suspek ti polis iti panagtakaw.#