Pagtaengan, natakawan

NARVACAN, Ilocos Sur – Maysa a balay sadiay Barangay Sta. Lucia, Narvacan ditoy nga ili ti naireport a natakawan idi Nobiembre 21, makabulan ti napalabas kalpasan a mapattpatta a naisayangkat.

Nagpulong ni Francis Melencio Nartatez III y Corpuz, 40, baro, ken residente iti Barangay Mabilbila Sur, Santa, Ilocos Sur a naduktalanda a natakawan ti Francisco Beatriz building a kukuana idi binisitada idi aldaw ti Nobiembre 20.

Segun ken ni Nartates III, natakaw iti maikatlo a kadsaaran ti nasao a pasdek ti maysa a Samsung DVD nga agbalor iti P10,000.00 ken Rolex a relo nga agbalor iti P230,000.00 ken assorted nga alahas nga agbalor iti P30,000.00.

Iti panagimbestiga ti SOCO ISPPO, naduktalan a posible a simrek dagiti mannanakaw iti tawa ti comfort room iti maikadua a kadsaaran.

Kinuna ni Nartatez III a naudi a panangbisitana iti building ket idi nagdalusda kalpasan ti Bagyo Lawin.#