NARVACAN, Ilocos Sur – Namitlo a daras a ginandat nga uramen ti maysa a dadael ti ulona ti maysa a pagtaengan iti barangay Turod ditoy itay nabiit.

Impan dagiti opisial ti barangay ni Marcos Reyes, agnaed met laeng iti dayta a barangay, iti kuerpo ti pulisia ditoy gapu iti namitlo a daras a gandatna a pananguram iti pagtaengan  ni Victoria Peralta, kalugaranna.

Naammuan a ginandat a puoran ti lalaki ti pagtaengan ni Peralta iti agarup 10:30 idi Disiembre 31, 2006, sa manen  iti agarup 2:30 ti bigbigat ti Enero 1, ken iti 5:30 iti iti dayta met laeng nga aldaw.

Naglibas ti suspek idi naipan iti police station ngem insigida met laeng a nasapulan dagiti pannakabagi ti linteg.

Mapapati nga adda diperensia iti panagpampanunot ni Reyes.

Di pay ammo no apay a ginandatna a puoran ti pagtaengan ni Peralta.