Pagtaengan, sinerrek dagiti mannanakaw

SAN ESTEBAN, Ilocos Sur.  Sinerrek dagiti mannanakaw ti pagtaengan ti maysa a residente iti Barangay Apatot ditoy ket kinasakasda dagiti napapateg nga alikamen daytoy.

Natakaw iti pagtaengan ni Jefferson Cadasio ti kuarta a P300, selpon a Nokia 1100 ken Nokia 3220, 1 gold-plated a relo ken 4 a pares ti sapatos ken t-shirt.

Segun iti inbestigasion dagiti polis, simrek dagiti mannanakaw iti balay ni Cadasio babaen ti panangpuersada a nanglukat iti tawa ti balay.

Di pay nabigbig ti kinaasino dagiti nagisayangkat iti panagtakaw.#