Footer

Pagtaengan ti German national, natakawan

SAN ESTEBAN, Ilocos Sur – Sinerrek dagiti mannanakaw ti pagtaengan ti maysa a German national iti Barangay Apatot ditoy nga ili ket intarayda dagiti alikamen, kuarta ken paltogna.

Nagpulong ni Heinz Orf Feller, German national, iti polis ditoy a kinasakas dagiti mannanakaw ti maysa a digital video camera, dua a cell phone, wallet a naglaon iti P15,000 ken lisensiado a kalibre .45.

Naduktalan ni Marites, asawa ti German, a natakawanda idi mapan koma iti kusinada ket nakitana a nakatiwangwang ti tawa ti akinlaud a paset ti salasda gapu ta naikkat ti pito a jalousy ken naiwara ti petakana iti ruar.

Di pay nabigbig ti kinasiasino dagiti nagtakaw.#