Pagtagilakuan, natakawan

STA. MARIA, Ilocos Sur – Sinerrek dagiti mannanakaw ti maysa a grocery store iti public market iti Barangay Poblacion ditoy nga ili idi rabii ti Hunio 11 ket kinasakasda dagiti sim cards ken I-Pod .

Naduktalan ti panagtakaw iti grocery store a kukua ni Teresa Bernardo y Dato, 35, naasawaan, ken residente iti Barangay Poblacion Norte, ditoy met laeng nga ili, idi alas 7:00 ti bigat ti Hunio 12.

Iti panagimbestiga dagiti polis, naammuan a nagna dagiti di nabigbig a mannanakaw iti nakalukat a kaabay nga stall ket inikkatda ti plywood ti ceiling iti iseserrekda iti grocery store ket daytoy met laeng ti nagnaanda a naglibas.

Mapattapatta nga agpateg amin iti P20,000 dagiti kinasakas dagiti mannanakaw a sim cards ti Globe, Smart ken Talk and Text ken I-Pod.#