Pagtagilakuan, natakawan

STA. CRUZ, Ilocos Sur – Natakawan ti maysa a hardware store sadiay Poblacion Este, ditoy nga ili a nakakurimesan dagiti nadumaduma a tagilako.

Segun iti report manipud iti polis ditoy, natakawan ti Nam-ay Hardware a kukua ni Flordeliza Ragua a mapapati a naisayangkat idi rabii ti Hunio 7.

Iti panagimbestiga dagiti polis, simrek dagiti mannanakaw iti uneg ti pagtagilakuan babaen ti pananglekkabda iti sim ti pasdek.

Dagiti sumaganad dagiti natakaw iti pagadalan: chainsaw, grass cutter, steel cutter, 7 a grinder, 6 a flyers, ken maysa a diamond cutter.

Iti pannakaisurat daytoy, di pay ammo ti kinasiasino dagiti nagtakaw.#