CABUGAO, Ilocos Sur – Naiyawat dagiti pakauna a ramit para iti maipatakder a food terminal iti Barangay Dardarat ditoy nga ili idi Mayo 29.
Inyawat ti Department of Agriculture ti maysa a freezer ken refrigerator para iti nasao a barangay food terminal kadagiti opisial ti barangay nga indauluan ni Barangay Captain Charles F. Garcia ken iti panangimatang dagiti konsehal a pannakabagi ni Mayor Edgardo S. Cobangbang, Jr. a pakaibilangan da SBM Dr. Jemaima S. Tan-Yee, Â SBM Benedict M. Savellano, Â SBM Atty. Bryan Jett S. Pano ken ni SBM Josefina S. Vallejo , dati a Barangay Captain ken MFARMC Chairman Danny S. Garcia ken dagiti lumugar.
Segun ken ni Municipal Farmers Association Coordinator Nathaniel B. Galamgam, AT, malaksid kadagiti pakauna a ramit, maikkan pay ti barangay iti P150,000.00 a seed money ken ma-renovate ti pasdek a pakaibalayan ti barangay food terminal. (Manipud iti report ni Jose Ed. Sajonia)