Paktoria ti uging rinaut kapolisan; 25 tattao naaresto

BANTAY, Ilocos Sur – Duapulo ket lima a tattao ti inaresto ti kapolisan ditoy nga ili iti naggigiddan a panagraut nga insayangkatda iti paktoria iti uging a masarakan iti uppat a sitio ti Barangay Taleb ditoy nga ili idi agsapa ti Nobiembre 17.

Iti report manipud iti polis ditoy, naaresto gapu iti illegal a panaguging dagiti sumaganad: Clifford Vicencio y Padre, 33, naasawaan; Benedicto Mabalot y Vicencio, 34, baro; Simeon Peru Jr. y Pajas, 36, naasawaan; Francis Mabalot y Vicencio, 22, baro; Darren King Astrande y Rapisura, 30, naasawaan; Ariel Tobias y Peru, 24, naasawaan; Remigio Tobias y Quiliopa, 57, naasawaan; Randy Peru y Pico, 20, naasawaan; Rommel Azurin y Gadiano, 42, naasawaan; Reymark Peru y Paa, 25, naasawaan; Isagani Vicencio y Paa, 25, baro; Robelito Paet y Patol, 37, naasawaan; Cesar Jimenez y Algara, 27, baro; Bert Vicencio y Pescador, 45, naasawaan; Charlie Paet y Paa, 55, naasawaan; Candido Paet y Vizarra, 50, naasawaan; Jhefrey Paa y Eugenio, 22, naasawaan; Bernard Mardoqiuo y Diocareza, 18, baro; Jonathan Lundang y Española, 33, naasawaan; Jeffrey Laurente y Pescador; Mario Peru y Torado, 38, naasawaan; Jay Piano y Tebes, 29, naasawaan; Michael Peru y Torrado, 36, naasawaan; John Lord Piano y Tebes, 25; agpapadada amin a taga-Taleb, Bantay, Ilocos Sur, ken Christopher Colina y Mariñas, 29, naasawaan, taga-Paing, Bantay, Ilocos Sur ken dagiti 3 a katulongan a nabigbig a da Eduardo Jimenez y Algara, 26, baro; Armando Algara y Obrero, 20, baro ken Elmer Peru y Paet Jr, 17, baro, agpapada a taga-Brgy Taleb, Bantay, Ilocos Sur.

Agdagup iti 1,464 a sako ti uging (finished product) ti nasarakan dagiti polis iti paktoria, malaksid laeng dagiti binunbuntuon a pagtungo ken 45 a buntuon ti uging a kukua dagiti suspek.

Awan ti naipakita dagiti suspek a permit nga agpukan iti kayo ken agaramid iti uging.

Masarakan ti paktoria ti uging iti Sitio Peru. Paa, ken Caniao. Reservation area ti Caniao agsipud ta ditoy ti pagtataudan ti ubbog nga inumen iti Metro Vigan.

Malaksid kadagiti naaresto, kinumpiska pay dagiti polis dagiti uppat a lugan a nagkarga kadagiti napukan a troso a pakaibilangan ti Isuzu Elf, (plate number RGA- 934), nakarehistro ken ni Melchor Paa y Peru; Isuzu Elf (plate number UMM- 762), nakarehistro ken ni Simeon Peru y Pajas Jr; Hyundai (plate number RBZ- 167), nakarehistro ken ni Corazon Algara y Paa; Kia (bearing plate number JEG