Palsipikador, simmuko iti polis

GALIMUYOD, Ilocos Sur – Simmuko kadagiti polis ditoy nga ili ti maysa a lalaki a mapapati a palsipikador idi Nobiembre 18.

Boluntario a simmuko iti Galimuyod police station ni Manuel Bang-asan, 53, naasawaan, mannalon, ken residente iti Barangay Baluarte, Salcedo, Ilocos Sur a nakasuan iti panagpalsipika iti dokumento a naka-docket iti babaen ti CC No. 4992.

Adda standing warrant of arrest ni Bang-asan a pinirmaan ni Judge Modesto L. Quismorio ti MTCC Candon City ket naituding ti P12,000 a piansana.#