SINAIT, Ilocos Sur – Maysa a paltik ti insuko ti barangay captain ti Pacis ditoy nga ili idi rabii ti Disiembre 16.
Insuko ni Barangay Captain Edmund Reyes ti maysa a cal .38 revolver, awanan iti serial number, ken awanan iti bala iti police station ditoy idi agarup 9:00 ti rabii iti nadakamat a petsa.
Segun iti kapitan, nabirokan ni Chief Tanod Danilo Ibrao ti nasao a paltog iti barangay road idi nagrespondeda iti maysa a report nga adda nagriri iti barangay.
Adda itan ti nasao a paltog iti kustodia ti Sinait MPS para iti maikanatad a disposision.#