Paltik, nakumpiska iti barito

TAGUDIN, Ilocos Sur – Maysa a paltik nga ikut ti maysa a barito ti kinumpiska dagiti tanod ti Barangay Pallogan ditoy nga ili idi rabii ti Abril 12 ket impaimada ti armas ken ti suspek kadagiti nagresponde a polis.

Nabigbig ti suspek a ni Maxwale Lacandazo y Leal, 16, ken residente iti Barangay Ambalayat, ditoy nga ili.

Segun iti report, pinasardeng dagiti tanod ti suspek ken kakaduana nga aggiinom agsipud ta madama ti pasala iti nadakamat a barangay ngem mapapati nga inggagara nga ingngato ni Lacandazo ti sandona ket nagparang ti paltogna a cal. 38 nga addaan iti dua a bala.

Dagus a kinumpiska dagiti tanod ti paltog sada tinengngel ti suspek agingga iti simmangpet dagiti polis.#