Paltog, balbala, boluntario a naisuko iti search team

CANDON CITY – Maysa a paltog ken balbala ti boluntario nga insuko dagiti dua a lalaki a puntiria ti nagtipon a grupo dagiti polis a sukisoken ti balayda iti Barangay Tablac ditoy siudad idi agsapa ti Abril 5.

Insuko ni Romulo Galope y Galicia ti walo a bala para iti cal. 30 ken 5 a short magazines ti cal. 30 carbine, idinto nga insuko ni Mariano Galicia y Del Rosario ti maysa nga Springfield rifle, 48 a bala para iti nasao a kalibre, ken 50 a bala para cal. 45.

Imet dagiti elemento ti PIB, Ilocos Sur PPO, 1st RPSB ken RID-PRO1 ken Candon City police babaen ti panangidaulo ni COP P/Supt. Marlo Aquino Castillo ken PCI Eduardo I. Danguegan, Jr., ken babaen ti direkta a superbision ni P/Supt. Julius Calima Suriben, Asst. Cheif RID, PRO1 ti search warrant No. 16 ken 17 a pinirmaan ni Judge Francisco Ante, Jr. ti MTCC,Vigan City idi mapanda agrikisa iti baly da Galope ken Galicia.

Naipilan ti kaso a panaglabsing iti PD 1866 kas inamendaran ti RA 8294 maikontra kada Galope ken Galicia iti city prosecutor’s office ditoy.#