Paltog, boluntario a naisuko

MAGSINGAL, Ilocos Sur – Boluntario nga insuko ti maysa a lakay ti paltogna iti otoridad idi aldaw ti Pebrero 2.

Kinuna ni Mariano Urganay y Urcia, 72, naasawaan, agnaed iti Barangay Miramar, ditoy nga ili, nga insukona ti paltogna a Remington 12 GA shotgun agsipud ta nainget unayen ti proseso iti panagpabaro iti lisensia iti paltog.

Kinuna ni Urganay a lakay unayen ket saannan a kabaelan a pabaruen pay ti lisensia ti paltogna nga agpaso pay laeng inton Abril 8, 2015.

Sinaksian ni Barangay Captain Arnel B. Reynon ti panangisuko ni Urganay iti paltogna iti police station ditoy.#