Paltog dagiti polis, nabusalan

CAMP ELPIDIO QUIRINO, Bulag, Bantay, Ilocos Sur – Nabusalan ti murdong dagiti paltog a nayisio kadagiti polis iti probinsia babaen a mismo iti panangimatang ni Police Senior Supt. Jemar D. Modequillo, OIC, idi Disiembre 24, ditoy.

Pinalagipan ni Modequillo dagiti polis iti babaenna mainaig iti kampaniada maikontra iti illegal a panagpaputok iti paltog iti Paskua ken iti Baro a Tawen.

Imballaag ni Demoquillo a sumango iti maikanatad a kaso wenno pannakadismis iti serbisio dagiti PNP personnel a matiliwan nga agiwayat iti indiscriminate firing.

Sinaksian dagiti reporters manipud iti broadcast ti pannakabusal ti murdong dagiti paltog dagiti polis.#