Paltog, Granada, nakumpiska iti panagsukisok

NARVACAN, Ilocos Sur – Napilaan iti kaso ti maysa a lalaki kalpasan a nakasamsam dagiti polis iti paltog ken granada iti balayna iti search operation nga insayangkatda idi Enero 20, 2011.

Napilaan ni Larry Boy RetagleĀ  residente ti Barangay Margaay, ditoy nga ili, iti panaglabsing iti Sec. 1 ken 3 ti PD 1866 as amended by RA 8294 ket nairekomenda ti piansa a P80,000 ken P200,000.

Naggiddan ti panagsukisok dagiti polis iti balay da Larry Boy Retagle ken Fernando Retagle idi Enero 20, ket nakasamsamda iti maysa a homemade gauge 12 shotgun, maysa a magazine assembly para gauge 12 shotgun, ken maysa a fragmentation hand grenade iti balay ni Larry Boy Retagle.

Negatibo ti resulta ti panagsukisok iti balay ni Fernando.

Imet dagiti polis ti dua a search warrant idi nagsukisokda iti balay dagiti dua a Retagle.#