Paltog, insuko ti barangay captain

BURGOS, Ilocos Sur – Maysa a homemade a paltog ti insuko ti barangay captain ti Macaoayan, ditoy nga ili iti polis idi Mayo 7.

Personal nga impaima ni Barangay Captain Rita Cariño iti polis ditoy ti maysa a homemade cal. 22, nagmarka iti Farco, iti mismo nga imatang ni SB member Edgardo Devaded, Brgy. Kagawad Elmo Malag, Romulo Cabebe ken John Ortega.

Segun ken ni Cariño, insuko kenkuana ti dina innaganan a kalugaranna ti nasao a paltog a mapapati a nasarakan daytoy iti bakante a lote iti asideg ti pagtaenganda.

Naipan ti paltog iti police station para iti umisu a disposision.#